Smásmiðja | Grunnatriði í tónlistarforritinu Logic Pro 

Lærum að búa til tónlist í tónlistarforritinu Logic Pro! 

Í þessari Smásmiðju förum við yfir grunnatriðin í pródúseringu og tónlistarsköpun í tónlistarforritinu Logic Pro. Við lærum hvað forritið hefur upp á að bjóða, kynnum okkur hvernig er hægt að taka upp tónlist, vinna í hljóðum og hljóðblanda allskonar tónlist. Eftir vinnustofuna gefst tími til að vinna í eigin verkefnum með aðstoð starfsfólksins á staðnum.  

Á Verkstæðinu er ókeypis aðgengi að Apple Logic Pro X forritinu og mörgum fleiri skapandi forritum. Komdu í Smásmiðjuna eða bókaðu tölvu og lærðu upp á eigin spýtur! 

Smásmiðjur | Opnir aðstoðartímar á Verkstæðinu Grófinni

Í Smásmiðjunum lærum við allt milli himins og jarðar sem tengist skapandi tækni og tölvuvinnslu. Á Verkstæðinu eru fullbúnar tölvur með öllum helstu forritum fyrir myndvinnslu, tónlistarsköpun eða hljóðvinnslu og tilvalið að mæta í Smásmiðjurnar fyrir þau sem langar að læra á forritin og nýta sér búnaðinn.

Við kynnumst einhverju nýju í Smásmiðjunum annan hvern mánudag frá kl. 16:30–17:30. Eftir tímann verður starfsfólk til staðar til að aðstoða með hvað sem er til kl. 18:00.

Engin skráning, bara mæta!

Sjá viðburðinn á Facebook.

Nánari upplýsingar veitir: