Tilbúningur | Koinobori

Langar þig að eiga notalega stund þar sem sköpunarkrafturinn fær að njóta sín í góðum félagsskap?

Föndrum saman, búum eitthvað til úr einhverju og endurnýtum alls konar. Leiðbeinandi kemur með hugmyndir, efni og áhöld og aðstoðar við tilbúninginn.

Á vorin blakta víða litríkir pappírs- eða taufiskar vindinum austur í Japan. Þetta eru Koinobori vindsokkar sem líkjast skrautlegum fiskum og þeim fylgja óskir um góða framtíð, heilsu og hraustleika til handa öllum börnum. Í þessum tilbúningi ætlum við að búa til litla skrautlega Koinobori fiska og senda góðar óskir út í vorið.

Sæunn Þorsteinsdóttir listakona leiðbeinir.

Tilbúningur í Árbæ er opinn öllum en hentar best börnum eldri en 8 ára og fullorðnum á öllum aldri.

Tilbúningur fer fram í Borgarbókasafninu Árbæ annan fimmtudag hvers mánaðar og í Borgarbókasafninu Spöng  fyrsta miðvikudag hvers mánaðar. 

Aðgangur er ókeypis og skráning er ekki nauðsynleg. 

Nánari upplýsingar veitir:
Sæunn Þorsteinsdóttir, sérfræðingur barnastarfs
saeunn.thorsteinsdottir@reykjavik.is | 411 6250