Stofan | Almenningssturta - Seinni hluti
„Við vonum að þú finnir skjól í þessu yfirþyrmandi rými þrátt fyrir að vita að aðrir geta séð og heyrt í þér.“
Maria-Carmela Raso og Kateřina Blahutová bjóðar þér í opnun á þeirra Stofu | A Public Living Room við sjálfafgreiðsluvélarnar á fyrstu hæð í Grófinni. 30. mai, kl. 5.
Stofan þeirra er almenningssturta og felur í sér leit notenda að vellíðan í aðstæðum sem líta út fyrir að vera óþægilegar, eins og það að fara í sturtu í almenningsrými. Fólk þarf ekki að afklæðast eða fara undir vatnsbunu í innsetningunni heldur fyrst og fremst að spyrja sig: Hvernig getur mér liðið vel í þessum tilteknu aðstæðum þar sem ég er venjulega út af fyrir mig? Er upplifun af öryggi hluti af vellíðan?
Að setja sig í óþægilegar aðstæður er ef til vill nauðsynlegur þáttur þess að þroskast. Til að geta vaxið verðum við að geta fundið leið til að líða vel í óþægilegum aðstæðum. Kateřina og Maria-Carmela bjóða notendum að taka þátt í listrænni rannsókn sem kannar hvernig skynjun og mismunandi örvun skynfæra hefur áhrif á upplifun af umhverfinu. Þær hafa unnið saman að fjölmörgum listrænum upplifunarferlum þar sem unnið er með mynd og hljóð, þar á meðal Multisensory Lab in á Hönnunarmars 2019. Er þeirra þáttur í Stofunni þáttur í listrænni þróun þeirra samstarfs.
Öll velkomin
Um Stofuna
Stofan er tilraunaverkefni þar sem ólíkir samstarfsaðilar skapa samfélagsrými sem þau myndu vilja sjá á bókasafninu – tímabundin Stofa opin öllum. Einu sinni í mánuði er Stofan opnuð af samstarfsaðila sem hefur hannað rýmið eftir sínu höfði og setur rýminu tímabundna reglu sem eykur vellíðan í takt við eigin þarfir.Frekari upplýsingar
Martyna Karolina Daniel | Sérfræðingur fjölmenningarmála
martyna.karolina.daniel@reykjavik.is