Skoðum og spjöllum á íslensku
Skoðum og spjöllum er hluti af viðburðaröðinni Spjöllum með hreim, þar sem boðið er upp á fjölbreyttar og skemmtilegar leiðir til að æfa sig að tala íslensku undir handleiðslu reyndra kennara.
Langar þig að rölta um miðborg Reykjavíkur og skoða skemmtilegar sýningar á fjölbreyttum menningarstofnunum á meðan þú æfir þig að spjalla á íslensku? Við hittumst einu sinni í mánuði og kynnumst borginni betur. Leiðsagnirnar fara fram á íslensku en reyndur íslenskukennari fylgir hópnum og aðstoðar ef á þarf að halda.
Laugardaginn 20.maí heimsækjum við Ljósmyndasafn Reykjavíkur, sem staðsett er á 6.hæð í Grófarhúsinu, sömu byggingu og Borgarbókasafnið. Þar munum við fá leiðsögn um sýninguna Myndir ársins, árlega sýningu Blaðaljósmyndarafélags Íslands.
Við hittumst á Torginu, 1.hæðinni á Borgarbókasafninu Grófinni.
Þátttaka er ókeypis og engin skráning.
Dagskrá Spjöllum með hreim má finna HÉR
Nánari upplýsingar veitir:
Hildur Björgvinsdóttir
hildur.bjorgvinsdottir@reykjavik.is