Í Borgarbókasafninu er boðið upp á alls konar sýningar. Við vinnum jafnt með einstaklingum og hópum ýmiss konar, innlendum sem erlendum. Í gegnum tíðina höfum við sýnt allt milli himins og jarðar; málverk, gler, leir, ljósmyndir, myndasögur, textíl og þannig mætti lengi telja. 

Frítt er inn á allar sýningar og oft bjóðum við upp á viðburði, námskeið og smiðjur í tengslum við sýningarhaldið. 

Yfirlit yfir sýningarrýmin

Sýningarrýmin eru jafnólík og þau eru mörg en hér að neðan má sjá yfirlit yfir þau rými sem eru í boði. Sýnendur fá aðstoð við kynningu en koma sjálfir að upphengingu og útfærslu sýninganna í nánu samráði við starfsfólk safnanna.

GERÐUBERG

• Stekkur
  Sýningarrými í anddyri á neðri hæð Gerðubergs. Hentar vel fyrir ýmiss konar sýningar sem þurfa gott veggpláss.
  Einnig er hægt að stilla út á stöplum á völdum stöðum í rýminu.

SPÖNGIN

• Sjónarhóll
  Sýningarsalur sem er staðsettur á jarðhæð, innan við unglingadeildina.
  Gjarnan eru verk einnig hengd á veggi utan við salinn og vísa þannig veginn inn í rýmið.
  
  Stærð: Um 43 m2. Gólfflötur: 720x600 cm. Lofthæð: 265cm. Upphengirennur eru á veggjum við loft.

GRÓFIN

• Bókatorgið
  Rými á jarðhæð sem að öllu jöfnu er notað fyrir útstillingar á safnkosti. Öðru hverju nýtum við þó torgið fyrir uppákomur og sýningar.
  Stærð: 64 m2
   
• Hringurinn
  Lítið hringlaga rými á milli barnadeildar og unglingadeildar á 2. hæð í safninu. 
  Í þessu rými setjum við gjarnan upp myndasögusýningar og einnig smærri sýningar sem höfða til barna eða unglinga.
  Verkin eru hengd á vír sem strengdur er í loftið innan hringsins.
   
• Ljóðahornið
  Lítið óhefðbundið sýningarrými á 5. hæð safnsins, þar sem við setjum gjarnan upp sýningar með „ljóðrænni“ tengingu.
  Stærð: 19 m2

ÁRBÆR

• Veggurinn
  Fjölbreyttar sýningar hafa verið settar upp í gegnum tíðina s.s. málverk, teikningar, textíll, glerverk og margt fleira.
  Stærð: Hæð 310 cm / Breidd 510 cm

Nánari upplýsingar veitir:

Guðrún Dís Jónatansdóttir, deildarstjóri miðlunar
syningar@borgarbokasafn.is