Information about the event
Leshringurinn Glæpagengið
Í amstri hversdagsins er fátt betra en að henda sér upp í sófa með góða glæpasögu, sogast inn í spennandi atburðarás og reyna að leysa gátuna, helst fyrir miðnætti!
Leshringurinn Glæpagengið er hluti af dagskránni Glæpafár á Íslandi sem sett er á laggirnar í tilefni af 25 ára afmælis Hins íslenska glæpafélags. Við komum saman á Borgarbókasafninu Spönginni, einn þriðjudag í mánuði kl. 16:30 – 17:30, til að spjalla um íslenskar og erlendar glæpa- og spennusögur og velta fyrir okkur fléttunni, persónunum og endinum.
Lesefni haustsins:
24. september
Heim fyrir myrkur eftir Evu Björgu Ægisdóttur
29. október
Kalmann og fjallið sem svaf eftir Joachim B. Schmidt
26. nóvember
Babúska: Reimleikar og voðaverk eftir Hallveigu Thorlacius
17. desember
Stóri bróðir eftir Skúla Sigurðsson
Umsjón með leshringnum hefur Guðrún Dís Jónatansdóttir, forfallinn unnandi glæpasagna og starfsmaður á safninu
Skráning og nánari upplýsingar:
Guðrún Dís Jónatansdóttir, deildarstjóri miðlunar
gudrun.dis.jonatansdottir@reykjavik.is | 411 6115