Fræðsla | Innri vegferð - ytri gróska

Þuríður Helga Kristjánsdóttir, núvitundarkennari, leiðir fræðslu og umræður um hvernig við getum aukið lífsgæði okkar með aðferðum núvitundarinnar. Hún fjallar um hvernig við getum nært innri tengsl við okkur sjálf, samfélagið og jörðina og þannig byggt grundvöll fyrir ytri og innri sjálfbærni.

Við erum öll meðvituð um mörg þeirra vandamála sem steðja að heiminum í dag hvort sem er í umhverfis og loftslagsmálum, vegna ófriðar og stríðsátaka, eða ójöfnuðar og streitu. Rannsóknir benda til þess að einmanaleiki sé í raun afleiðing af ákveðnu tengslaleysi sem átt hefur sér stað milli manns og náttúru, milli fólks og einnig innra með okkur sjálfum.

Í þessu fræðsluerindi mun Þuríður Helga gefa okkur góð ráð hvernig við getum styrkt tengslin við okkar innra líf, aukið samkennd, hugrekki og þakklæti en með því að styrkja þessa innri eiginleika hlúum við að okkur sjálfum, öðrum og náttúrunni.

Eftir erindið verða umræður.
Öll velkomin!

Viðburður á Facebook

Nánari upplýsingar veitir:

Ilmur Dögg Gísladóttir, deildarstjóri í Borgarbókasafninu Gerðubergi
ilmur.dogg.gisladottir@reykjavik.is | 411 6170