Information about the event
Sýning | Nýtt ljós, nýtt líf
Sýning á verkum Ármanns Kummer Magnússonar í Borgarbókasafninu Árbæ.
Ármann fæddist í Reykjavík árið 1981 en bjó á Hvolsvelli fyrstu fimm árin. Hann byrjaði að mála árið 2006 og er að mestu sjálfmenntaður. Hann stundaði nám í Fjölbrautarskólanum í Garðabæ, Iðnskólanum, lýðháskóla o.fl.
Ármann vinnur aðallega með olíu og akríl á striga ásamt því að gera skúlptúra. Einnig hefur hann gert skartgripi.
Að sögn Ármanns þá hefur listsköpunin hjálpað honum mikið í andlegum veikindum sem hann hefur átt við að stríða og slegið á kvíðatilfinningu. Bæði vinnan við listaverkin og afraksturinn í eiginlegri og óeiginlegri merkinu er honum þannig hvatning. Hann er nokkuð skipulagður þegar hann hefst handa við sköpunina og hefur yfirleitt ákveðið liti og það helsta áður en hafist er handa. Málverk hans eru flest máluð með þéttum dökkum litum, þar sem ljósið skín þó í gegn. Sama er að segja um skartgripina og skúlptúrana, þar er efnisnotkunin áþreifanleg og þykk en samt léttleiki yfir verkunum.
Ármann hefur haldið einkasýningar og tekið þátt í samsýningum. Á sýningunni eru akrílmálverk og skúlptúrar og stendur hún til 29. mars.
Nánari upplýsingar
Ármann Kummer
Katrín Guðmundsdóttir, Borgarbókasafninu Árbæ
katrin.gudmundsdottir@reykjavík.is