Um þennan viðburð
Gervisiðferði – hver mun eiga gildin okkar?
Eftir því sem gervigreind vefur sig fastar utan um allar mögulegar framtíðir okkar verður ljósara að gildin sem stýra þessum ákvarðanatökukerfum eru ekki tilviljanakennd; að ákveða hvað er eðlilegt og ekki er orðið meðvituð ákvörðun hönnuða og stórfyrirtækja, ákvörðun sem mun móta heilu samfélögin. En hvaða gildum ættum við að forgangsraða, og hver hefur völdin til að forgangsraða þeim? Munu vélar virkilega geta endurspeglað flókið og óreiðukennt siðferði okkar, eða verður hún aðeins spegill gilda þeirra sem hana skapa?
Við byrjum á fyrirlestri og kynningu á „alignment“-vandamálinu svokölluðu og hvernig siðferði gervigreindar er hannað – ferli sem vekur upp spurningar um hlutdrægni, vald og
ábyrgð. Síðan, í gagnvirkri sýningu, fá gestirnir að upplifa sjálfir hvernig „siðferðisáttaviti“ gervigreindar leiðir til ólíkra framtíða.
Öll velkomin og þátttaka ókeypis.
Þessi viðburður er hluti af Framtíðarfestivali Borgarbókasafnsins. Sjá heildardagskrá Framtíðarfestivals HÉR.
Frekari upplýsingar veita:
Gamithra Marga og Aþena Ýr Ingimundardóttir
Samtök um mannvæna tækni
gamithra@mannvaen.is