Leshringur | Hansdætur

Í apríl ræðum við skáldsöguna Hansdætur eftir Benný Sif Ísleifsdóttur frá 2020. Hún gerist í vestfirsku sjávarplássi í byrjun tuttugustu aldar og fjallar um Gratíönu, dóttur Evlalíu, einstæðrar móður sem á þrjú börn með þremur mönnum. Gratíana hafnar viðteknum stéttar- og kynhlutverkum í bænum og á sér háleita drauma. Seinna kom út framhaldið Gratíana og Benný Sif hefur skrifað fleiri sögur sem eiga það flestar sameiginlegt að gerast í íslenskum sjávarþorpum. 

Hér má lesa ritdóm sem birtist um hana í 3. tölublaði Tímariti Máls og menningar 2021 og hér er viðtal við höfundinn í Kiljunni frá jólabókaflóðinu 2020. 

Leshringurinn Sólkringlan hittist venjulega þriðja fimmtudag í mánuði kl. 17.30-18.30 í Borgarbókasafninu Kringlunni, frá september til maí. 

Þema vorsins 2026 er líf íslenskra (og írskra) kvenna á 20. öld. Dagskráin er eftirfarandi: 

• • 22. janúar: Leigjandinn eftir Svövu Jakobsdóttur og Smámunir sem þessir eftir Claire Keegan 
• • 19. febrúar: Ást á rauðu ljósi eftir Jóhönnu Kristjánsdóttur 
• • 19. mars: Bíbí í Berlín, ævisaga Bjargeyjar Kristjánsdóttur eftir Guðrúnu Valgerði Stefánsdóttur 
• • 16. apríl: Hansdætur eftir Benný Sif Ísleifsdóttur 
• • 21. maí: Elsku Drauma mín, minningabók Sigríðar Halldórsdóttur eftir Vigdísi Grímsdóttur 

Umsjón og skráning: 
Guttormur Þorsteinsson, sérfræðingur 
guttormur.thorsteinsson@reykjavik.is | 411 6204