Lesa og skrifa

Komum saman til að lesa og ræða, semja ljóð og jafnvel búa til ný íslensk orð.

Leshringir og spjallhópar

Á bókasöfnum hittast reglulega hópar til að spjalla um alls kyns bókmenntir. Kíktu á þá hópa sem eru í boði og komdu að lesa með okkur!

Samljóða

Vertu með í skapandi ritsmiðjum! Leikum við okkur með orð og eigum saman notalegar stundir.

Bókaklúbbur í poka

Ertu að leita að lesefni fyrir næsta leshring? Þá getur þú sparað þér fyrirhöfnina og fengið Bókaklúbb í poka að láni, þar sem finna má 6 eintök af bókinni, umfjöllun um höfundinn og verkið ásamt spennandi kveikjum að umræðum.

Skynsegin rithöfundarýmið

Skynsegin rithöfundarýmið í Reykjavík er mánaðarlegur hittingur, bæði á staðnum og á netinu, þar sem skynsegin rithöfundar geta komið saman í vinalegu rými, skrifað og verið þau sjálf.

Kærleiksorðræða

Búum til ný íslensk orð! Sköpum opnara málsamfélag og virðingarfyllri samskipti.

Ljóðaslamm Borgarbókasafnsins

Ljóðaslamm hefur verið reglulegur og vinsæll viðburður á Borgarbókasafninu í gegnum tíðina. Þekkt skáld, tónlistarfólk og sviðslistafólk hafa stigið sín fyrstu skref í Slamminu, enda er ljóðaslamm, eða Poetry Slam, listform sem útfæra má á fjölbreyttan máta.

Nodebook: Ritleiðangur

Nodebook Quests er röð ævintýralegra dagbókar- og skrifvinnustofa þar sem könnun og upplifun verða að texta. Í hvert skipti bíður þátttakenda nýr leiðangur — sem leiðir okkur út í borgina, um bókasafnið eða stundum miklu nær: inn á við.