Sýning | Útópía - Alda Ægisdóttir
Staðsetning: 2. hæð hringurinn
Sýningin Útópía er gluggi inn í ævintýralega veröld örveranna. Innsetningin samanstendur af stórum skúlptúrum, unnum úr fjölbreyttum efniviði. Verkin eru innblásin af frumum, bakteríum, plöntum og skordýrum, en sýningin dregur fram þá töfrandi litlu heima sem leynast allt í kringum okkur.
Alda Ægisdóttir (f.1999) er listakona frá Reykjavík. Hún hélt sína fyrstu einkasýningu vorið 2021 og hefur auk þess tekið þátt í fjölda samsýninga. Alda vinnur með marga ólíka miðla en verk hennar tilheyra ávallt öðrum framandlegum heimi. Hún hefur stundað listsköpun alla sína ævi og dregur mikinn innblástur frá leikgleði bernskunnar. Alda er myndlistarnemi í Listaháskóla Íslands.
Boðið verður uppá smiðju í tengslum við sýninguna.
Fyrir nánari upplýsingar:
Guðrún Elísa Ragnarsdóttir | sérfræðingur miðlunar og fræðslu
gudrun.elisa.ragnarsdottir@reykjavik.is | s: 411-6145