Um þennan viðburð
Bókakaffi | Fjölbreyttar raddir
Skráning er á allflesta viðburði Borgarbókasafnsins og er sóttvarnarreglum fylgt í hvívetna.
• Staðsetning viðburðar: Salurinn Berg, á efri hæð
• Hámarksfjöldi gesta: 40 manns - sjá skráningarform neðst á síðunni
• Kaffihúsið er opið.
Hvaða hlutverki gegna bókmenntir í pólitísku samhengi og hvaða bækur ættum við að lesa til að öðlast víðari sýn á heiminn?
Í kjölfar Black Lives Matter byltingarinnar jókst sala á bókum sem fjalla um kynþáttafordóma upp úr öllu valdi. En er nóg að lesa bara bók? Og hvaða bók á þá að lesa? Hver er munurinn á fræðibókum í þessu samhengi, ævisögum og skáldsögum höfunda sem tilheyra jaðarhópum? Bókmenntaheimurinn er stéttaskiptur eins og aðrir hlutar samfélagsins. Raddirnar sem fá hljómgrunn eru oft og tíðum einsleitar. Þessi staðreynd, sem vefst ekki fyrir nokkrum manni, virðist engu að síður erfitt að breyta. Hjá hverjum liggur ábyrgðin? Útgefendum eða lesendum, eða liggur vandamálið enn dýpra í viðjum samfélagsins?
Á bókakaffinu Fjölbreyttar raddir ræða Chanel Björk Sturludóttir, Jelena Ćirić og Mars Proppé um bókmenntir í pólitísku samhengi.
Nánari upplýsingar veitir:
Halla Þórlaug Óskarsdóttir, verkefnastjóri bókmennta
halla.thorlaug.oskarsdottir@reykjavik.is