Læsi á stöðu og baráttu kvenna

Almenningsbókasöfn um land allt sameina krafta sína undir merkjum verkefnisins Læsi á stöðu og baráttu kvenna í tilefni af Kvennaári 2025. Boðið er upp á fjölbreytta dagskrá með lestur, samveru og bókmenntir í forgrunni. Á Íslandi, rétt eins og austan hafs og vestan, höfum við upplifað bakslag í jafnréttisbaráttunni þar sem afturhaldssöm kynjahlutverk og jaðarsetning á grundvelli kyns eru nú orðin sýnilegri aftur, í takt við staðalímyndir sem ríktu fyrir hálfri öld síðan. Þá er áreiti og ofbeldi tíðara og orðræðan í garð kvenna og kvára hatursfyllri.  

Með samstarfsverkefninu vilja almenningsbókasöfn styrkja tengslin við einstaklinga, félagasamtök eða stofnanir sem vinna að jafnréttismálum með einum eða öðrum hætti í sínu nærsamfélagi og skapa með þeim áhugaverða dagskrá í samfélagsrýmum bókasafnanna.

Hér á síðunni er hægt að fylgjast með framgangi verkefnisins og viðburðadagskrá bókasafnanna auk þess sem birt er umfjöllun um viðburðina á hverjum stað ásamt myndum.

Samstarfsaðilar:
Amtsbókasafnið Akureyri · Amtsbókasafnið Stykkishólmi · Borgarbókasafnið Grófinni · Borgarbókasafnið Kringlunni · Borgarbókasafnið Spönginni · Bókasafn Garðabæjar ·  Bókasafn Hafnarfjarðar · Bókasafn Héraðsbúa · Bókasafn Ísafjarðar · Bókasafn Kópavogs · Bókasafn Reykjaness  · Héraðsbókasafn A-Húnavatnssýslu · Héraðsbókasafn Borgarfjarðar · Héraðsbókasafn Rangárvallarsýslu · Kvenréttindafélag Íslands · Menningarmiðstöð Hornafjarðar

Verkefnið er styrkt af Bókasafnasjóði. 
 

Nánari upplýsingar veitir:

Guðrún Dís Jónatansdóttir, deildarstjóri miðlunar og nýsköpunar
gudrun.dis.jonatansdottir@reykjavik.is | 411 6115