BORGARBÓKASAFNIÐ
Samvera eru vikulegir viðburðir sem sameina íslenskunemendur og þau sem eru íslenskumælandi.
Saman kynnumst við yfir kaffibolla og spjöllum og æfum okkur í tungumálinu, í öruggu og vinalegu umhverfi. Það eru þrjár mismunandi tegundir viðburða í boði:
Alla laugardaga 18. apríl - 30. maí og 5. september - 26. September
kl. 11.30 til 13.30
Gerðuberg
Öll velkomin sem hafa áhuga á útivist og langar að kynnast nýju fólki, þvert á tungumál. Hittumst á bókasafninu í Gerðubergi (Breiðholt, 11 Reykjavík), fáum okkur kaffi og spjöllum smá áður en við förum í léttan göngutúr í nágrenninu og í Elliðaárdalnum. Þegar veðrið er mjög slæmt munum við vera á bókasafninu og spila borðspil.
Bókasafnið er á efri hæðinni í húsi við Gerðuberg 3-5 í Breiðholti. Strætóar: 3, 4, 12, 17 (stoppistöð: FB).'
Gönguferðirnar eru leiddar af kennurum í íslensku sem annað mál.
Alla laugardaga frá 3. október - 19. desember
kl. 11.30 til 13.30
Gerðuberg
Fáum okkur te/kaffi og lesum saman íslenskar fréttir. Að lesa fréttir er góð leið til að læra flóknari orðaforða, ræða um hvað er að gerast á Íslandi og læra um mikilvæg málefni sem gætu haft áhrif okkur. Við munum skoða fréttir á auðskiljanlegri íslensku. Þetta á að vera öruggt rými fyrir öll og við munum forðast fréttir sem eru of sundrandi eða átakanlegar. Einnig verður í boði að spila borðspil.
Viðburðirnir verða leiddir af kennurum í íslensku sem annað mál.
Alla miðvikudaga frá 9. september - 25. nóvember, kl. 16:30-18:00 - Grófin
Vertu með í skapandi ritsmiðjum á Borgarbókasafninu. Í smiðjunum, sem fara fram á íslensku, leikum við okkur með orð og eigum saman notalegar stundir í afslöppuðu umhverfi.
Íslenskunemar og innfædd velkomin, smiðjurnar eru ætlaðar öllum sem vilja rækta tengsl sín við íslenska tungu með skapandi hætti. Þú getur tekið þátt einu sinni, í hverri viku og allt þar á milli. Blöð, blýantar og léttar veitingar á staðnum og frábærir rithöfundar munu deila skapandi vinnubrögðum sínum og tengslum við íslenska tungu.
Þátttaka ókeypis, engin skráning, bara mæta.
Karólína Rós Ólafsdóttir 09.09 / 16.09 / 23.09 / 30.09
Maó Alheimsdóttir 07.10 / 14.10 / 21.10 / 28.10
Marion Poilvez 4.11 / 11.11 / 18.11 / 25.11
Fanny Sissoko, Verkefnastjóri inngildingar og fræðslu
fanny.sanne.sissoko@reykjavik.is
Samvera er styrkt af Þróunarsjóði innflytjenda.