Sigil smiðja | Búðu til þitt eigið töfratákn

Lærðu að búa til þitt eigið töfratákn. Listakonan Otilia Martin Gonzales verður með Sigils-smiðju fyrir ungmenni í Borgarbókasafninu Sólheimum.

Sigils eru töfratákn sem tákna ásetning, eitthvað sem þú vilt fá inn í líf þitt. Í þessari smiðju lærirðu hvað sigils tákn eru og hvernig þú getur nýtt þau. Otilia mun leiða þig í gegnum ferlið að búa til sigilstákn og þú munt læra mismunandi aðferðir til að setja ásetninginn þinn myndrænt fram sem töfratákn. Í smiðjunni muntu gera nokkur tákn sem þú getur nýtt þér á mismunandi vegu með mismunandi ásetningi.

Otilia Martin Gonzalez er spænsk listakona og hönnuður, fædd í Þýskalandi en búsett í Reykjavík. Með menntun í sjónrænni miðlun og áhuga á list hóf hún listaferilinn ásamt því að stunda nám í auglýsingafræði í Háskólanum í Seville á Spáni. Í list sinni vinnur Otilia með ólík listform; stafræna miðla, texta, teikningar og innsetningar og eru undirmeðvitundin, draumar og tákn gegnumgangandi þema í listinni. Verk Otiliu hafa verið til sýnis víða, til dæmis á Spáni, Japan, Íslandi, Rúmeníu, Bretlandi, Finnlandi og Ítalíu. Þá vann hún til Vazquez Diaz verðlaunanna á Spáni.

Otilia er meðlimur í SÍM (Samband íslenskra myndlistarmanna).

Smiðjan fer fram á ensku. Þátttaka er ókeypis en skráning er nauðsynleg og hefst 1. október hér að neðan. Allt efni er á staðnum.

Viðburðurinn á Facebook

Nánari upplýsingar veitir:

Lísbet Perla Gestsdóttir, sérfræðingur

lisbet.perla.gestsdottir@reykjavik.is| s: 411-6160