Dægurflugur í hádeginu I Þór Breiðfjörð syngur Gling-Gló lögin

Hver þekkir ekki lögin Bella símamær og Pabbi minn sem Björk söng svo eftirminnilega á plötunni Gling-Gló ? Platan er til á flestum heimilum og er fyrir löngu búin að festa sig í sessi sem sannkölluð þjóðargersemi. 

Tónleikaröðin Dægurflugur hóf göngu sína á þessu ári og nú er röðin komin að Þór Breiðfjörð sem ætlar að flytja öll lögin á plötunni ásamt Inga Bjarna Skúlasyni píanóleikara, Magnúsi Trygvasyni Eliassen trommara og Leifi Gunnarssyni kontrabassaleikara.   

Þór Breiðfjörð er leikari, söngvari og lagasmiður með farsælan feril að baki í Evrópu og á Íslandi. Hann er mjög fjölhæfur söngvari og er til að mynda þekktur fyrir að flytja lög í anda flauelsbarkanna Frank Sinatra og Nat King Cole.  

Þór útskrifaðist frá The Arts Educational Schools, einum virtasta skóla Bretlands á sínu sviði. Hann átti farsælan feril í West-End söngleikjum í Lundúnum áður en hann flutti heim til Íslands, en söngur hans og túlkun einkennast af hlýju, ástríðu og einlægni. 

Sjá nánar um Þór Breiðfjörð á vefsíðu hans www.breiðfjord.is. 
 

Nánari upplýsingar veitir: 

Hólmfríður Ólafsdóttir, verkefnastjóri viðburða og fræðslu 
holmfridur.olafsdottir@reykjavik.is | 411 6122