Oddhvassir blýantar - Alþjóðleg skopmyndasýning
Oddhvassir blýantar - Alþjóðleg skopmyndasýning

Um þennan viðburð

Tími
9:00 - 18:00
Verð
Frítt
Hópur
Fyrir alla
Sýningar

Oddhvassir blýantar

Fimmtudagur 13. desember - Sunnudagur 20. janúar

13. desember 2018 - 20. janúar 2018

Velkomin á opnun alþjóðlegrar skopmyndasýningar um kvenréttindi og málfrelsi í Gerðubergi, 13. desember kl. 17, í boði Kvenréttindafélags Íslands og sendiherra Frakklands á Íslandi. Léttar veitingar í boði og öll velkomin.

Sýningin Oddhvassir blýantar var gerð í kjölfar #MeToo byltingarinnar af frönsku samtökunum Le Crayon sem upphaflega voru stofnuð til að vernda og myndlýsa málfrelsi, í samstarfi við France-Cartoons – samtök franskra skopmyndateiknara og alþjóðlegu teiknimyndahátíðina L’Estaque. 

Höfundar skopmyndanna eru teiknarar sem starfa út um allan heim, sumir hverjir í löndum þar sem list þeirra leggur frelsi þeirra að veði. Í Gerðubergi má finna myndir frá listamönnum frá Bandaríkjunum, Bangladess, Barein, Belgíu, Bretlandi, Búrkína Fasó, Egyptalandi, Frakklandi, Gabon, Hollandi, Indlandi, Íran, Ísrael, Kanada, Kína, Kólumbíu, Kúbu, Mexíkó, Níkaragva, Sviss, Sýrlandi, Tyrklandi og Úsbekistan.

Á sýningunni velta skopmyndahöfundar fyrir sér stöðu kvenna, kvenréttindum og #MeToo, hver með sínum hætti. Myndirnar á sýningunni eru allt í senn bráðfyndnar, fallegar, skelfilegar, óborganlegar og hræðilegar. Myndirnar eru vitnisburður um að penninn er máttugri en sverðið.

Að sýningunni standa Kvenréttindafélag Íslands og franska sendiráðið. Sýningin er opin alla virka daga frá 9-18 og um helgar frá kl. 13-16. Ókeypis aðgangur.