Gagnsæi eftir Ólöfu Björgu Björnsdóttur
Gagnsæi eftir Ólöfu Björgu Björnsdóttur

Um þennan viðburð

Tími
Á opnunartíma
Verð
Frítt
Hópur
Fyrir öll
Sýningar

Naglinn | Gagnsæi

Fimmtudagur 2. nóvember 2023 - Föstudagur 5. janúar 2024

Nýtt listaverk er nú til sýnis á Naglanum á Borgarbókasafninu í Sólheimum. Verkið er eftir Ólöfu Björgu Björnsdóttir en það ber heitið Gagnsæi og er málað með olíu á striga. Hólmfríður Gunnlaugsdóttir, sem fer með umsjón Artóteksins á Borgarbókasafninu í Grófinni, valdi verkið að þessu sinni. Naglinn er heitið á sýningaröð í Borgarbókasafninu Sólheimum, þar sem hver sýning samanstendur af einu listaverki sem eru öll fengin að láni úr Artótekinu og er þetta 18. sýningin í röðinni.

 

Ólöf Björg lauk námi frá Listaháskóla Íslands árið 2001 með málun sem aðalgrein. Þá lauk hún einnig kennaranámi frá Listaháskóla Íslands árið 2007. Ólöf hefur numið víða, meðal annars hefur hún verið í myndlistarnámi í Granada á Spáni og hjá meistara An Ho Bum í Seoul í Suður-Kóreu þar sem hún dvaldi á textílverkstæði Ami Ann. Ólöf hefur í gegnum árin haldið fjölda einkasýninga en verk hennar hafa einnig verið til sýnis á fjölda samsýninga og við ýmis önnur tilefni.

 

Áhugasamir geta keypt verkið eða leigt það, en þá eignast viðkomandi verkið þegar það hefur verið greitt upp. Sé sýningarverkið keypt (eða leigt) má kaupandinn velja úr Artótekinu hvaða verk verður næst til sýnis á Naglanum.

Hægt er að leigja verkið á 5.000 kr. á mánuði eða kaupa á 150.000 kr.

 

Fyrir nánari upplýsingar um Artótekið, listamanninn eða verkið bendum við á heimasíðu Artóteksins: https://artotek.is/


Nánari upplýsingar veita:

Lísbet Perla Gestsdóttir
lisbet.perla.gestsdottir@reykjavik.is | s. 411 6160

Hólmfríður Gunnlaugsdóttir
holmfridur.gunnlaugsdottir@reykjavik.is | s. 411 6112