Stofan | Lyktarsafnið - Vinnustofa
Lyktarsafnið er upplifunarrými þar sem við aukum skynbragðið. Hvaða minningar og þekking vakna við að finna ákveðna lykt? Hvernig öðlumst við betri skilning með skynfærunum? Juan Camilo leiðir opna vinnustofu þar sem hlúið er að skynfærunum. Hann vinnur með lyktir, hreyfingar og áferðir sem leiða þig um króka og kima hugans.
Öll velkomin, þátttaka ókeypis
Lyktarsafnið er tímabundinn staður Juan Camilo á fimmtu hæð á Borgarbókasafninu Grófinni og er hluti af verkefninu Stofan | A Public Living Room. Einu sinni í mánuði er ný útgáfa af Stofu opnuð í takt við leiðandi stef verkefnisins - Share the Care. Stofan er tilraunaverkefni þar sem ólíkir samstarfsaðilar skapa styðjandi samfélagsrými sem þau vilja sjá á bókasafninu.
Frekari upplýsingar veitir:
Dögg Sigmarsdóttir
Verkefnastjóri | Borgaraleg þátttaka
dogg.sigmarsdottir@reykjavik.is