Um þennan viðburð
Sjáðu fegurð þína | Listamannaspjall
Kristín Ómarsdóttir og Guðlaug Mía Eyþórsdóttir, sýningarstjóri, ræða saman um verk hinnar fyrrnefndu á sýningunni Sjáðu fegurð þína sem var opnuð í Gerðubergi þann 26. október. Þar gefur að líta verk Kristínar frá ýmsum tímabilum. Sum hver hafa verið ofan í skúffu í áraraðir, en önnur eru nýleg.
Myndlistarsýningin var sett upp í tengslum við ritþing Kristínar Ómarsdóttur, sem haldið var í Tjarnarbíói í lok október. Þar var farið yfir rithöfundaferil Kristínar, en hún hefur ætíð sinnt myndlistinni samhliða ritstörfunum og stundum haldast þessi ferli þétt í hendur, eins og fram kom á ritþinginu.
Það verður forvitnilegt að heyra hvað Kristínu og Guðlaugu fer í milli og við hvetjum öll til að mæta og hlýða á!
Við bendum áhugasömum ennfremur á að á Bókmenntavefnum má lesa sér til um höfundarferil Kristínar.
Nánari upplýsingar veitir:
Halla Þórlaug Óskarsdóttir, verkefnastjóri bókmennta
halla.thorlaug.oskarsdottir@reykjavik.is