Málþing | Vettvangur samsköpunar
Hvernig má virkja samfélagsrými svo fólk úr öllum áttum geti mæst? Að lokinni hringferð um landið þar sem stoppað var á bókasöfnum, listasöfnum, menningarsetrum og aðsetrum listamanna þá komum við saman í Grófinni. Samstarfsaðilar verkefnisins Vettvangur samsköpunar deila sinni reynslu af því að beita skapandi aðferðafræði til að vinna gegn jaðarsetningu innflytjenda og efla borgaralega þátttöku þvert á samfélagið.
Samfélög eru í stöðugri þróun og í hverju og einu þeirra er þörf á stað þar sem fólk mætist til að takast á við breytta tíma og breytinga í samsetningu samfélagsins. Hvar eru þessir staðir í dag? Hvernig þróum við færni okkar til að tengjast og verða hluti af samfélagi?
14:00-15:00 - Samsköpun í almenningsrými
Aija Burdikova I Amtsbókasafnið á Akureyri I Akureyri
Elísa Elíasdóttir I Héraðsbókasafn Rangæinga I Hvolsvöllur
Vaida Bražiūnaitė I Hversdagssafnið I Ísafjörður
Hannah Rós Sigurðardóttir Tobin I Hversdagssafnið I Ísafjörður
Lara Hoffmann og Anna Wojtyńska, verkefnastjórar frá Háskóla Íslands og rannsakendur verkefnisins Vettvangur samsköpunar, kynna fyrstu niðurstöður verkefnisins að lokinni hringferð land allt.
15:00-16:00 - Að breyta rými í stað - Placemaking
Jesper Koefoed-Melson frá Vidalocal í Danmörku kynnir samsköpunarferla í mótun almenningsrýma sem staði þar sem fólk hittist. Jesper kynnir aðferðir sem hann beitir til að tengja einstakling og hópa saman og breyta rými í stað með sameiginlegri upplifun. Eitt dæmi um slíka samsköpun er Kulturdistriktet í Kaupmannahöfn.
Á málþinginu fáum við einstaka innsýn í þróun bókasafna og annarra menningarstofnana í dreifbýli og þéttbýli til að mæta breyttum tímum og hvernig slíkar stofnanir og almenningsrými geta átt hlut í að tengja saman hópa og opna fleirum möguleika á að taka þátt í samfélaginu.
Öll velkomin, þátttaka ókeypis.
Samstarfsaðilar málþingsins á Borgarbókasafninu eru:
Amtsbókasafn Akureyri
Blábankinn á Þingeyri
Bókasafn Héraðsbúa á Egilsstöðum
Bókasafn Húsavíkur
Bókasafn Ísafjarðar
Héraðsbókasafn Rangæinga á Hvolsvelli
Hversdagssafn á Ísafirði
Westfjord Residency á Þingeyri
Sláturhúsið á Egilsstöðum
Verkefnið er unnið i samstarfi við Háskóla Íslands og er styrkt af Bókasafnasjóði og Byggðarannsóknasjóði.
Frekari upplýsingar um viðburðinn og verkefnið Vettvangur samsköpunar
Lara Hoffmann
Verkefnastjóri og rannsakandi
laraw@hi.is