Tilbúningur | Krukkuluktir

Langar þig að eiga notalega stund þar sem sköpunarkrafturinn fær njóta sín í góðum félagsskap?

Föndrum saman, búum eitthvað til úr einhverju og endurnýtum alls konar. Leiðbeinandi kemur með hugmyndir, efni og áhöld og aðstoðar við tilbúninginn.

Í þessum tilbúningi breytum við gömlum glerkrukkum í hlýlegar luktir.

Við skreytum glerkrukkur undan hinu og þessu með því að líma á þær afganga af silkipappír í ýmsum litum þannig að þegar ljós er sett í krukkuna kemur fallega lit birta.

Sæunn Þorsteinsdóttir myndlistamaður, kennari og bókavörður leiðbeinir.

Tilbúningur í Árbæ er opinn öllum. 

Aðgangur er ókeypis og skráning er ekki nauðsynleg. 

Tilbúningur fer fram í Borgarbókasafninu í Árbæ annan fimmtudag hvers mánaðar og í Borgarbókasafninu Spöng  fyrsta miðvikudag hvers mánaðar klukkan 16:00.

Nánari upplýsingar veitir:
Sæunn Þorsteinsdóttir, sérfræðingur barnastarfs
saeunn.thorsteinsdottir@reykjavik.is | 411 6250