Sýningarleiðsögn | Hvernig ertu?

Svavar Pétur Eysteinsson, einnig þekktur undir listamannsnafninu Prins Póló, verður með leiðsögn um einkasýningu sína Hvernig ertu? og segir eflaust einnig sögur af bernskubrekum úr Breiðholtinu.

Á sýningunni blandar Svavar saman eigin tónverkum, myndlist og ljósmyndum, en í verkum sínum sækir Prinsinn oft innblástur í "sjoppulegan" hversdagsleikann, með litríkri upphafningu og húmor að leiðarljósi.

Hvernig ertu? var opnuð á neðri hæð Borgarbókasafnsins Gerðubergi við glimrandi góðar undirtektir laugardaginn 28. maí síðastliðinn og hefur vakið verðskuldaða athygli, en sýningin stendur yfir til 28. ágúst.
Öll velkomin.

Viðburður á Facebook.

Nánari upplýsingar veitir:
Ilmur Dögg Gísladóttir, deildarstjóri í Gerðubergi
ilmur.dogg.gisladottir@reykjavik.is | 411 6170