Listaverka- og skrautmunaskiptimarkaður

Áttu listaverk eða skrautmuni í geymslunni, ofan í skúffu, nú eða bara uppi í hillu, sem þú hefur ekki pláss fyrir eða ánægju af lengur? Komdu með þá í Borgarbókasafnið Sólheimum og skiptu þeim út fyrir nýja skrautmuni sem einhver annar hefur skilið eftir. Við tökum við allskonar munum á skiptimarkaðinn, til dæmis eftirprentum, veggspjöldum, skúlptúrum, kertastjökum og fleiri hlutum sem lífga upp á heimilið.

Skiptimarkaðurinn er hluti af markaðsröð í Borgarbókasafninu Sólheimum en það fagnar tvöföldu afmæli í ár. Annars vegar er útibú III, forveri Sólheimasafns 75 ára, og hins vegar er Sólheimasafn sjálft 60 ára, en það opnaði í núverandi húsnæði 4. janúar 1963. Nýtni og græn gildi hafa ávallt einkennt starfsemi Sólheimasafns og svo verður einnig í ár. Boðið verður upp á fjölbreytta skiptimarkaði allt árið þar sem endurnýting og hringrásarhugsun verða í brennidepli.
 

Viðburðurinn á Facebook: HÉR

Öll velkomin!

Nánari upplýsingar veitir:

Guðríður Sigurbjörnsdóttir, deildarstjóri Borgarbókasafnsins Sólheimum
gudridur.sigurbjornsdottir@reykjavik.is | s: 411-6201