Um þennan viðburð
Leikhúskaffi | Á eigin vegum
Maríanna Clara Lúthersdóttir höfundur leikgerðar og Stefán Jónsson leikstjóri segja gestum frá uppsetningu Borgarleikhússins á verkinu Á eigin vegum, leikgerð af samnefndri bók eftir Krístínu Steinsdóttur.
Í kjölfarið verður farið yfir í Borgarleikhúsið þar sem boðið verður upp á stutta kynningu á leikmynd og annarri umgjörð sýningarinnar. Í lokin býðst gestum svo 10% afsláttur af miðum á sýninguna.
Borgarbókasafnið Kringlunni og Borgarleikhúsið hafa boðið upp á leikhúskaffi í nokkur ár þar sem leiksýningar eru kynntar fyrir áhugasömum stuttu fyrir frumsýningu. Á eigin vegum er viðfangsefni fyrsta leikhúskaffis haustins en sýningin verður frumsýnd 16. september. Sigrún Edda Björnsdóttir leikur ekkjuna Sigþrúði sem eltist við jarðarfarir og stundar blaðaburð og garðyrkju af miklum móð. Verkið byggir á rómaðri skáldsögu metsöluhöfundarins Kristínar Steinsdóttur sem kom út árið 2006. Bókin var tilnefnd til Bókmenntaverðlauna Norðurlandaráðs og hlaut Fjöruverðlaunin árið 2007.
Leikhúskaffið er ókeypis, öll velkomin.
Nánari upplýsingar veitir:
Guttormur Þorsteinsson, deildarbókavörður
guttormur.thorsteinsson@reykjavik.is | s. 411 6204