Um þennan viðburð
Glæpafár á Íslandi | Glæpakviss í Kringlunni
Æsispennandi spurningakeppni í boði Hins íslenska glæpafélags. Guttormur Þorsteinsson verður í hlutverki glæpakviss-stjóra.
Í tilefni af 25 ára afmæli Hins íslenska glæpafélags bjóðum við öllum lesendum glæpasagna að taka þátt í svokölluðu glæpakvissi, æsispennandi spurningakeppni sem samin er af hinum alræmda Ævari Erni Jósepssyni, formanni félagsins. Keppnin verður haldin á mörgum almenningsbókasöfnum samtímis, í aðdraganda Bókasafnsdagsins sem alltaf er fagnað í september en alþjóðlegur dagur læsis er 8. september.
Það er því um að gera að nota tímann vel og glugga í gamlar jafnt sem nýjar glæpasögur til að rifja upp hin ýmsu plott og hrollvekjandi atburði sem íslenskir höfundar hafa sett saman í bókum sínum, okkur lesendum til ánægju og yndisauka.
Sá sem ber sigur úr býtum fær að sjálfsögðu verðlaun og við lofum rafmagnaðri stemningu og ljúfum veitingum til að róa taugarnar á meðan á keppni stendur!
Sjá yfirlit yfir alla viðburði Borgarbókasafnsins sem tilheyra viðburðaröðinni Glæpafár á Íslandi.
Verkefnið Glæpafár á Íslandi er styrkt af Bókasafnasjóði.
Nánari upplýsingar veita:
Ævar Örn Jósepsson, formaður Hins íslenska glæpafélags
avarorn@internet.is
Guðrún Dís Jónatansdóttir, deildarstjóri miðlunar
gudrun.dis.jonatansdottir@reykjavik.is | 411 6115