Um þennan viðburð

Tími

12:00 - 16:00

Verð

Frítt

Bókasafn

Borgarbókasafnið Grófinni

Hópur

Fyrir öll

Aldur

16 ára og eldri

Liðnir viðburðir

FULLBÓKAÐ: „Live Coding“ tónlistarforritun fyrir byrjendur með Strudel

Sunnudagur 21. maí 2023

FULLBÓKAÐ – Smiðjan er lokuð fyrir bókanir.

Það má senda skilaboð á karl.james.pestka@reykjavik.is ef þú vilt vera á biðlistanum.

„Live Coding“ eða núritun er skapandi nálgun á forritun þar sem flytjandinn býr til tónlist eða myndlist með því að skrifa, breyta og meðhöndla kóða í rauntíma, venjulega fyrir framan áhorfendur. Á síðustu áratugum hefur þessi iðkun orðið að kraftmikilli skapandi listgrein á menningar- og tæknisviðum, meðal annars í tónlist, myndlist og tölvunarfræði. Í núritun fer sköpunin og tónsmíðin fram í rauntíma. Flytjandinn getur haft áhrif á flutninginn með myndefni, hreyfingu eða hverju sem er sem hægt er að stjórna. Kóðanum er oft varpað á skjá þar sem áhorfendur geta fylgst með.

Í þessari smiðju fá þátttakendur praktíska reynslu í að vinna með vinsælt Live Coding vafraforrit sem heitir Strudel. Smiðjunni verður stýrt af Jack Armitage og Sigríði Birnu Matthíasdóttur frá Intelligent Instruments Lab í LHÍ.

Smiðjan er ætluð 16 ára og eldri, óháð bakgrunni, ekki er nauðsynlegt að kunna að forrita. Athugið að smiðjan fer fram á ensku og er pláss fyrir 12 þátttakendur.

Æskilegast er að koma með sína eigin tölvu, en einhverjar tölvur verða í boði á staðnum.

Í lok smiðjunnar er þeim sem hafa áhuga boðið að taka þátt í stofnun nýs vettvangs, „Live Coding Meetup“, þar sem skapandi forritarar hittast og vinna að hinum ýmsu verkefnum og samstarfi í opnu og hvetjandi samtali og læra um leið um nýja tækni og starfshætti. „Live Coding Meetup“ fer af stað í haust á Borgarbókasafninu - skemmtilegt tækifæri til að deila þekkingu sinni og að kafa enn dýpra í Strudel og önnur viðfangsefni tengdum núritun.