Um þennan viðburð
Vínylkaffi I
„Er of seint að fá sér kaffi núna?“ söng Prins Póló eftirminnilega á hljómplötunni Þriðja Kryddið og þó að hann hafi ekki komist að niðurstöðu sjálfur, liggur beinast við að svara spurningunni neitandi. Það er aldrei of seint að fá sér kaffi.
Í þessu fyrsta Vínylkaffi Borgarbókasafnsins, langar okkur að kynnast tónlistarunnendum í borginni og kynna notendur safnsins fyrir vínylkosti þess, hvernig lán á plötum gengur fyrir sig og hvernig hægt er að panta plötur eða geisladiska.
En fyrst og fremst ætlum við að drekka kaffi og hlusta á plötur. Grammafónninn verður opinn og öllum frjálst að spila og spjalla. Annars verða spekingarnir Örvar og Valli með rjúkandi tóna, umræðuefni og kaffi.
Nánari upplýsingar veitir:
Stella Sif Jónsdóttir, sérfræðingur | viðburðir og fræðsludagskrá
stella.sif.jonsdottir@reykjavik.is
Örvar Smárason, bókavörður
Valgeir Gestsson, sérfræðingur