Garnskiptimarkaður

Áttu fulla körfu heima af garni sem þú hefur ekki not fyrir?

Vantar þig smávegis af garni í flík eða annað sem þú ert að prjóna eða hekla? 

Hannyrðafólk kannast eflaust við að hafa keypt of mikið af garni nú eða aðeins of lítið. Með því að láta garnið ganga áfram til þeirra sem hafa not fyrir það minnkum við sóun sem og að rýma til heima hjá okkur. 
Allar tegundir af garni eru velkomnar á markaðinn og getur fólk skipt sín á milli eða einfaldlega gefið og þegið. Einnig er hægt að koma með prjóna, heklunálar eða annað sem tilheyrir hannyrðunum. 

Annað þarf ekki að hafa með, borð verða á staðnum og kaffi á könnunni

Viðburðurinn á Facebook 

Nánari upplýsingar veitir:
Katrín Guðmundsdóttir, deildarstjóri
katrin.gudmundsdottir@reykjavik.is | s. 411 6250