Smásmiðja | Hvað er stafræn hreinsun – Digital Declutter?

SEE ENGLISH TRANSLATION

Hefurðu prófað að endurræsa þig? 

• Byrjum upp á nýtt með stafrænni hreinsun 
• Dýpri samtöl: Að gægjast laumulega á símann verður liðin tíð.
• Skemmtum okkur í raunheimum: Njótum lífsins án þess að skrásetja hvert augnablik.
• Verum upplýst, en ekki buguð: Fylgjumst með fréttum á kvíðalausan hátt.
• Segjum bless við FOMO: Við erum ekki að missa af neinu!

Fyrir hverja er þessi vinnustofa? 

Þau sem vilja:

• Nota smáforrit án þess að þau taki yfir lífið.
• Nota tækni í samræmi við eigin gildi og markmið.
• Finna áhrifaríkari lausnir en að slökkva á tilkynningum eða vera með símalaust svefnherbergi.

Hvernig virkar stafræn hreinsun? 

• Tökum hlé í 30 daga: Losum okkur við þau forrit og veitur sem við þurfum ekki lífsnauðsynlega á að halda.
• Njótum þess að vera í núinu.
• Eftir 30 daga er hægt að opna aftur fyrir það sem samræmist nýjum og skýrari gildum.

Gerum áhrifaríka stafræna hreinsun án þess að það bitni á vinnu eða einkalífi. Við sýnum ykkur skref fyrir skref hvernig er best að bera sig að á Android eða iPhone.

• Hvað á ég að koma með? Snjallsíma eða spjaldtölvu (valfrjálst).

Smásmiðjur | Opnir aðstoðartímar á Verkstæðinu í Grófinni

Í Smásmiðjunum lærum við allt milli himins og jarðar sem tengist skapandi tækni og tölvuvinnslu. Á Verkstæðinu eru fullbúnar tölvur með öllum helstu forritum fyrir myndvinnslu, tónlistarsköpun eða hljóðvinnslu og tilvalið að mæta í Smásmiðjurnar fyrir þau sem langar að læra á forritin og nýta sér búnaðinn.

Við kynnumst einhverju nýju í Smásmiðjunum annan hvern mánudag frá kl. 16:30–17:30. Eftir tímann verður starfsfólk til staðar til að aðstoða með hvað sem er til kl. 18:00.

Engin skráning, bara mæta!

Sjá viðburðinn á Facebook

Nánari upplýsingar veitir: