Sagnfræðikaffi - Vinnuhjú og vistarband
Sagnfræðikaffi - Vinnuhjú og vistarband

Um þennan viðburð

Tími
17:15 - 18:00
Verð
Frítt
Hópur
Fullorðnir
Fræðsla

Sagnfræðikaffi | Vinnuhjú og vistarband

Mánudagur 25. febrúar

Í fyrirlestrinum verður fjallað um sögu og hlutverk vistarbandsins í íslensku samfélagi, óljósan uppruna þess og þróun í gegnum tíðina. Rætt verður um hlutskipti og kjör vinnuhjúa á 19. öld, þversagnakennda stöðu daglaunamanna í lögum og hversdagslífi og þær aðferðir sem fátækt verkafólk beitti til þess að bæta kjör sín, ná sér niður á vondum húsbændum og lifa með sjálfsvirðingu og reisn.

Vilhelm Vilhelmsson (f. 1980) er forstöðumaður Rannsóknaseturs Háskóla Íslands á Norðurlandi vestra og ritstjóri Sögu, tímarits Sögufélags. Hann lauk doktorsprófi í sagnfræði frá Háskóla Íslands árið 2015. Bók hans, Sjálfstætt fólk. Vistarband og íslenskt samfélag á 19. öld (Sögufélag 2017), er að stofni til doktorsritgerð hans. Bókin var tilnefnd til íslensku bókmenntaverðlaunanna 2018 í flokki fræðirita, viðurkenningar Hagþenkis sama ár og menningarverðlauna DV sama ár.

Öll velkomin!

Myndin sýnir heyskap á Þingvöllum upp úr miðri 19. öld. Hana er að finna í bókinni Pen and Pencil Scetches of Faroe and Iceland (1872) eftir Andrew James Symington.
 

Merki