Um þennan viðburð
Tilbúningur | Bókabox
Búum til box sem líta út eins og bækur!
Komdu á Tilbúning í Árbæ og lærðu að búa til bókabox — litla hirslu sem lítur út eins og bók! Þessir kassar eru fullkomnir til að varðveita eitthvað háleynilegt eða sem gullfalleg gjafaaskja.
Viðburðurinn er fyrir fólk á öllum aldri en börn yngri en 12 ára þurfa að vera í fylgd fullorðinna sem geta aðstoðað þau. Við hvetjum sérstaklega fullorðið fólk til að leyfa sér að taka þátt og vera skapandi, óháð „listrænum hæfileikum“.
Áhöld og efniviður verða á staðnum, en þér er velkomið að taka pennaveskið með! Aðgangur er ókeypis og skráning óþörf.
Tilbúningur fer fram að jafnaði á Borgarbókasafninu Árbæ annan fimmtudag hvers mánaðar og Borgarbókasafninu Spönginni á fyrsta miðvikudegi hvers mánaðar.
Nánari upplýsingar veitir:
Védís Huldudóttir | Sérfræðingur
vedis.huldudottir@reykjavik.is | ✆ 411-6237