Tigerliebe selbstportrait

Um þennan viðburð

Tími
10:00 - 19:00
Verð
Frítt
Hópur
Fyrir alla
Börn
Sýningar

Sýning | Nele Brönner

Fimmtudagur 24. september 2020 - Mánudagur 12. október 2020

Nele Brönner er rit- og myndhöfundur frá Berlín. Hún dvelur nú í Gröndalshúsi í boði Reykjavíkur bókmenntaborgar UNESCO og Goethe stofnunar í Kaupmannahöfn. Í tilefni þess sýnir hún myndverk úr barnabókum sínum í Hringnum á 2. hæð. Sjá opnunartíma safnsins...

Nele Brönner er barnabókahöfundur frá Berlín en fædd og uppalin í Marburg. Hún lærði myndlist við Listaháskólann í Berlín (Universität der Künste) og einbeitir sér í list sinni að myndabókum fyrir börn sem rit-  og myndhöfundur og einnig að myndasögum sem myndhöfundur. Hún hlaut Serafina verðlaunin 2015 og 2019 fékk hún hin virtu Stiftung Buchkunst verðlaun í flokki barnabóka fyrir bókina Begel, der Egel.

Meðal bóka Nele má nefna Frosch Will Auch (2020), Zitronenkind (2020) sem einnig hefur komið út á ensku sem Lemonchild, Begel, der Egel (2018), Das Tigerei (2018) og bækurnar Das Monströse og Affenfalle frá 2015.

Hér í Reykjavík teiknar Nele og skrifar í Gröndalshúsi, fyrrum heimili rithöfundarins og myndlistarmannsins Benedikts Gröndals. Fyrstu dagana dvaldi hún þar í sóttkví eins og lesa má um í bloggi á vefnum hennar www.nelebroenner.com þar sem einnig má kynnast verkum hennar nánar.

Goethe stofnun í Kaupmannahöfn hefur boðið þýskum höfundum til nokkurra vikna dvalar í Reykjavík um árabil og hefur Bókmenntaborgin Reykjavík tekið á móti þessum gestum og kynnt þeim íslenskt bókmenntalíf og staðið fyrir viðburðum með þeim.

Nánari upplýsingar veitir:

Kristín Viðarsdóttir, verkefnastjóri | Reykjavík bókmenntaborg UNESCO
kristin.vidarsdottir@reykjavik.is

 

Merki