SPOR - Gagnvirk danssýning fyrir 4 ára og eldri
SPOR - Gagnvirk danssýning fyrir 4 ára og eldri

Um þennan viðburð

Tími
13:00 - 13:45
Verð
2900 Kr
Hópur
Börn
Bóka miða
Börn
Sýningar

SPOR | Gagnvirk danssýning

Laugardagur 27. apríl

Borgarbókasafnið | Menningarhús Gerðubergi
Sýningar: 6., 27. og 28. apríl kl. 13 og kl. 15 
Aukasýning 24. apríl kl. 17 vegna mikillar aðsóknar!

​Lengd sýningar: u.þ.b. 40 mínútur
Fjölda þátttakenda á hverri sýningu: 20
Miðaverð: Kr. 2.900 - Miðasala fer fram á tix.is

Hér fá börn 5 ára og eldri ásamt foreldrum sínum að fara í spennandi könnunarleiðangur. Um er að ræða dansverk þar sem börn taka virkan þátt í sýningunni og fylgja dansandi, óbeisluðum orkugjöfum um undarlegt og ævintýralegt umhverfið. Orkan er alls staðar sjáanleg, heyranleg og snertanleg.

Leitað er að galdrinum sem felst i orkunni - kraftinum sem býr í öllu. Orkan í hafinu, á jörðinni, í geimnum og orkan í okkur sjálfum. Börnin munu fylgja dansandi óbeisluðum orkugjöfum auk þess að kanna undarlegt umhverfið á eigin vegum. Hvaða orka er það sem kviknar í myrkrinu? Erum við orkusugur eða gefum við jafn mikið og við þiggjum? 

SPOR er unnið í samstarfi við listamenn frá Noregi, Finnlandi, Grænlandi og Færeyjum og mun ferðast og þróast áfram í Grænlandi og Færeyjum.
Verkið er unnið í samstarfi við NAPA og  styrkt af Mennta- og menningarmálarráðuneytinu - Leiklistarráði, Listamannalaunum, Nordic Culture Fund og Reykjavíkurborg. 

Höfundar: Bíbí & Blaka

Hönnun innsetningar, leikmuna og búninga: Guðný Hrund Sigurðardóttir
Dans: Tinna Grétarsdóttir
Tónlist og hljóðmynd: Sólrún Sumarliðadóttir
Flytjendur: Valgerður Rúnarsdóttir & Snædís Lilja Ingadóttir
Aðstoðar sviðsmyndahönnuður: Mao
Aðstoðar búningahönnuður: Alexía Rósa Gylfadóttir
Ljósahönnun: Magnús Arnar Sigurðarson, Mari Agge og Hermann Karl Björnsson
Stuttmynd: Lars Skjelbreia
Framkvæmdastjórn: Aude Busson
Grafísk hönnun: Jóhanna Erla // memm hönnunarstofa
Kvikmyndagerð: Carlo Cupaiolo
Ljósmyndir: Owen Fiene

Bíbí & Blaka  er hópur listamanna sem að vinnur að sviðslistaverkum fyrir ung börn og aðstandendur þeirra. Hópurinn samanstendur af Tinnu Grétarsdóttur danshöfundi, Sólrúnu Sumarliðadóttur tónskáldi og Guðnýju Hrund Sigurðardóttur sviðshönnuði auk þeirra flytjenda sem að eru í verkunum hverju sinni. Bíbí & Blaka hefur ferðast víða bæði innanlands sem erlendis og sýnt verk sín í leikskólum, á hátíðum, í menningarhúsum og leikhúsum.

Nánari upplýsingar veitir:
Aude Busson, busson.aude@gmail.com

Info in English on Facebook.