Tilraunaverkstæði
Tilraunaverkstæði

Um þennan viðburð

Tími
13:00 - 14:30
Verð
Frítt
Hópur
Nemendur
Börn
Fræðsla

Krakkahelgar | Micro:bit smiðja

Laugardagur 16. mars

Micro:bit smiðjan er fyrir 9-13 ára.
Þátttaka ókeypis.
Athugið að nauðsynlegt er að skrá sig með því að senda tölvupóst á sigrun.antonsdottir@reykjavik.is

Laugardaginn 16. mars munu leiðbeinendur frá Skema (HR) leiða okkur inn í spennandi heim Micro:bit, þar sem við lærum að forrita Micro:bit örtölvur.  Micro:bit býður upp á fjölbreyttar leiðir til að læra grunnhugtök í forritun á auðveldan og umfram allt skemmtilegan hátt. Hægt er að forrita einfaldar skipanir á örtölvuna eins og myndir, hljóð og stafi en auk þess er hægt að búa til flóknari skipanir á Micro:bit svo að tölvan nýtist sem áttaviti eða skilaboðamóttakari svo eitthvað sé nefnt.

Kóðinn 1.0 hefur lánað safninu nokkrar Micro:bit örtölvur svo þeir sem ekki eiga Micro:bit geta fengið að fikta.
Annars eru þátttakendur hvattir til að koma með sína eigin Micro:bit tölvu ef þeir eiga hana.
Þau sem vilja vita meira um Kóðan 1.0 er bent á heimasíðu kóðans en þar má meðal annars finna skemmtilegar Micro:bit áskoranir. 

Tilraunaverkstæði Borgarbókasafnsins
Síðustu misseri hefur Borgarbókasafnið lagt áherslu á að skapa vettvang sem styður við tæknilæsi barna og ungmenna. Með því að bjóða upp á aðstöðu, aðgengi og grunnkennslu gestum að kostnaðarlausu, vonumst við til að hvetja börn til að afla sér þekkingar og læra í gegnum leik og fikt.
​Endilega kíkið í heimsókn á tilraunaverkstæðið okkar í Gerðubergi.
Sjá meira um tilraunaverkstæðið hér.

Nánari upplýsingar veitir:
Sigrún Antonsdóttir, deildarbókavörður
Netfang: sigrun.antonsdottir@reykjavik.is
​Sími: 411 6230 og 411 6237