![Sögustund | Öll í sparigallann / Storytime | All dressed up](https://borgarbokasafn.is/sites/default/files/styles/ding_secondary_large/public/title_image/event/sparisogutund_fb_and_bbs.jpg?itok=B-sCRQJy)
Um þennan viðburð
Sögustund | Öll í sparigallann
Staðsetning: 2. hæð
Í þessari sögustund fögnum við sögupersónum sem eru sannar sjálfum sér, hugmyndaríkar og útsjónarsamar þegar kemur að klæðnaði. Kjóll úr gróðri, sérhönnuð stjörnujakkaföt… Hvað næst? Við hvetjum gesti til að mæta í þeim sparifötum sem þeim líður best í.
Tvær frábærar bækur voru sérvaldar fyrir þemað. Lesin verður íslensk þýðing á the Spectacular suit eftir Kat Patrick, þar sem söguhetjan finnur ómögulega réttu fötin fyrir afmælið sitt þar til henni dreymir upp ný jakkaföt. Einnig verður lesin Júlían í brúðkaupinu eftir Jessicu Love, þar sem við fylgjum brúðkaupsgestunum og félögunum Júlían og Marísól eftir. Sköpunargleðin leikur lausum hala þegar Marísól vantar hrein föt í miðri veislu.
Myndefni úr ævintýrum Júlíans og Marísólar hefur svo stokkið úr bókinni og yfir á sérgerðan ljósmyndabakgrunn, þar sem börnum og fjölskyldum þeirra býðst að taka myndir af sér með því að nota eigin síma eða myndavél. Tilvalið tækifæri fyrir fjölskyldumynd eða efni í jólakortið.
Nánari upplýsingar veitir:
Bára Bjarnadóttir, sérfræðingur
bara.bjarnadottir@reykjavik.is | 411 6100