Ljóðakaffi 11. mars Gerðubergi
Halla og Soffía

Um þennan viðburð

Tími
20:00 - 22:00
Verð
Frítt
Bókmenntir
Kaffistundir
Spjall og umræður

Ljóðakaffi | Ljóðið er alltaf heima

Miðvikudagur 29. apríl 2020

Í þetta sinn eru það stöllurnar Halla Margrét Jóhannesdóttir og Soffía Bjarnadóttir sem heimsækja okkur í Ljóðakaffi. Halla Margrét og Soffía eiga það sameiginlegt að hafa báðar útskrifast með Mastersgráðu í ritlist frá HÍ. Þær hafa líka báðar kennt ritlist saman og sitt í hvoru lagi, gefið út ljóðabækur, leikrit og skáldsögur. Á ljóðakaffi lesa þær eigin ljóðtexta og tala um ljóð, skrif og skáldskap. Halla Margrét Jóhannesdóttir er leikkona, leikstjóri og rithöfundur hefur gefið út ljóðabækurnar; 48 (2013) og Ljós og hljóðmerki (2019), og leikritin; Gaggað í grjótinu (2011) og ásamt fleirum Dauðasyndirnar (2008). Soffía Bjarnadóttir er rithöfundur og bókmenntafræðingur og hefur skrifað ljóð, leikrit og skáldsögur sem og texta um bókmenntir og leikhúslist. Útgefin og sviðsett verk eru: Ljóðabækurnar Beinhvít skurn (2015) og Ég er hér (2017), leikritið Erfidrykkjan (2018) og skáldsögurnar Segulskekkja (2014) og Hunangsveiði (2019). Ljóðakaffi er vettvangur fyrir alla að lesa upp ljóðin sín. Eftir hlé eru ljóðaáhugamenn og skáld meðal gesta hvattir til að lesa upp ljóð sem þeir hafa geymt í skúffunni eða í tölvunni. Ekki ganga of lengi með ljóð í maganum. Taktu skrefið og komdu uppúr skúffunni. Ljóðakaffi er nýr viðburður sem verður í bland við Sagnakaffi annan miðvikudag mánaðarins í Gerðubergi. Jafnframt er boðið upp á handverkskaffi, heimspekikaffi, leikhúskaffi og bókakaffi á miðvikudagskvöldum í menningarhúsum Borgarbókasafnsins. Ljóðakaffi fer fram í kaffihúsinu í Gerðubergi og geta gestir fengið sér kaffi og með því á meðan á dagskrá stendur. Allir velkomnir á meðan húsrúm leyfir. Ókeypis aðgangur. Nánari upplýsingar veitir: Ólöf Sverrisdóttir, verkefnastjóri olof.sverrisdottir@reykjavik.is