Lestrarhátíð | Sögustund og jólaball 

Lestrarhátíð Borgarbókasafnsins lýkur í bókasafninu í Spönginni í Grafarvogi með notalegri sögustund og jólaballi.  

Birna Daníelsdóttir les fyrir börnin úr nýrri bók, Ég bý í risalandi. Finnst þér stundum eins og allt sé annað hvort of stórt fyrir þig, of langt í burtu eða alltof hátt uppi? Þá býrðu kannski í RISALANDI!

Yrsa Þöll Gylfadóttir og Gunnar Theódór Eggertsson lesa úr Jólabókaorminum. Þið kannist við jólaköttinn en hafið þið heyrt um jólabókaorminn? Hann er nefnilega alveg jafnslæmur nema hvað hann étur bara þá sem fá ekki bók í jólagjöf!  En hefur nokkur séð jólabókaorminn? Er hann til í alvörunni? Er þetta ekki bara þjóðsaga?

Að lokni sögustundn verður gengið kringum jólatré og sungið við undirleik, jólasveinar koma í heimsókn og allir krakka fá pakka.  

Boðið verður upp á rjúkandi kakó og smákökur. 

Vikuna 22. - 29. nóvember, í aðdraganda aðventu, heldur Borgarbókasafnið lestrarhátíð fyrir börn og fjölskyldur í öllum átta bókasöfnum borgarinnar. Lögð er áhersla er á að skapa notalegar stundir fyrir börn og fjölskyldur. Höfundar mæta og lesa úr jólabókunum og stýra föndursmiðjum og boðið upp á heitt kakó og smákökur.
Hér má finna dagskrá Lestrarhátíðar.

Lestrarhátíð Borgarbókasafnsins er styrkt af Barnamenningarsjóði og Bókasafnasjóði.
 

Viðburðurinn á Facebook
 

Nánari upplýsingar veitir:

Þorgerður Agla Magnúsdóttir
Verkefnastjóri | Bókmenntir og lestrarhvatning
thorgerdur.agla.magnusdottir@reykjavik.is | 411 6149