Guðjón Ragnar

Um þennan viðburð

Tími
20:00 - 21:30
Verð
Frítt
Hópur
Fullorðnir
Bókmenntir
Spjall og umræður

Kvöldganga | Hin hliðin á Reykjavík

Fimmtudagur 5. ágúst 2021

Guðjón Ragnar Jónasson leiðir gesti um miðbæ Reykjavíkur og bregður upp svipmyndum úr menningarheimi sem mörgum er hulinn, segir grátbroslegar sögur úr leikhúsi næturlífsins en rifjar einnig upp áfanga úr langri og strangri baráttu fyrir réttindum og sýnileika hinsegin fólks. 

Gangan hefst fyrir utan Borgarbókasafnið í Grófinni. 

Guðjón Ragnar Jónasson er íslenskufræðingur og kennari en veitir nú forstöðu símenntum Háskólans á Bifröst. Hann hefur m.a. kennt við Menntaskólann í Reykjavík, Keili og Austurbæjarskóla. Hann þýddi bókina Mennirnir með bleika þríhyrninginn sem kom út árið 2013, hefur skrifað barna- og námsbækur og gaf nú síðast út bókina Hin hliðin, hinsegin leiftur- og örsögur sem gangan byggir á. Guðjón sat lengi í stjórn Samtakanna78 og Hinsegin daga.

Kvöldgöngur eru viðburðaröð sem Borgarbókasafnið, Borgarsögusafn Reykjavíkur og Listasafn Reykjavíkur standa fyrir. Göngurnar fara fram á fimmtudagskvöldum yfir sumarmánuðina. Lagt er af stað kl. 20 frá Borgarbókasafninu Grófinni, Tryggvagötu 15, nema annað sé tekið fram.
Þátttaka er ókeypis. Við biðjum alla vinsamlegast um að skrá sig í göngurnar hér neðst á síðunni, en vísum þó engum frá.

Viðburður á Facebook.

Nánari upplýsingar veitir: 

Guðrún Baldvinsdóttir
gudrun.baldvinsdottir@reykjavik.is | s. 661-6178

Bækur og annað efni