Viðmið vegna Covid-19 | Safnið er opið

Öll söfn Borgarbókasafnsins eru opin samkvæmt hefðbundnum opnunartíma.

Viðburðir

Skráning er á alla viðburði Borgarbókasafnsins og er sóttvarnarreglum fylgt í hvívetna. Séð er til þess að þátttakendur geti haldið tveggja metra fjarlægð sín á milli, að spritt sé aðgengilegt og að snertifletir séu sótthreinsaðir reglulega. Passað er upp á að fjöldi í hverju rými fari ekki yfir skilgreint hámark. Á fjölskylduviðburðum og smiðjum er boðið upp á að bóka fjölskylduborð eða borð fyrir smærri hópa sem þurfa ekki að virða fjarlægðartakmarkanir. Inn á milli er viðburðum streymt á Facebooksíðu Borgarbókasafnsins. Í flestum tilfellum eru áhorfendur ekki hafðir í mynd, heldur eingöngu stjórnandi/stjórnendur viðburðarins.

Sóttvarnir

Bækur og önnur safngögn eru ávallt hreinsuð vel og vandlega þegar þeim er skilað og höldum við því að sjálfsögðu áfram. Snertifletir eru einnig hreinsaðir reglulega með sótthreinsiefni, svo sem almenningstölvur, borð, handrið, posar, snertiskjáir og hurðarhúnar, auk þess sem leikföng og annað sem börn handfjatla eru hreinsuð sérstaklega.

Heimasíðan

Við minnum á að hér á heimasíðunni, á Mínar síður, er hægt að taka frá titla, framlengja lán, borga sektir og kaupa eða endurnýja bókasafnskort svo eitthvað sé nefnt. Við mælum með því að notendur nýti sér þessa þjónustu sem mest. 

Snertilausar bækur hafa sína kosti!

Einnig viljum við benda á að Rafbókasafnið (www.rafbokasafnid.is), sem er aðgengilegt öllum sem eru með bókasafnskort, er alltaf opið. Rafbækur má lesa eða hlusta á beint úr tölvu eða í gegnum Libby appið á snjalltækjum. Nánari leiðbeiningar hér: www.borgarbokasafn.is/rafbokasafnid

Við erum öll almannavarnir!