![](https://borgarbokasafn.is/sites/default/files/styles/ding_secondary_large/public/title_image/news/myri2_0.jpg?itok=xUfgYpo6&c=fecc1a4d22d598e77ba5c595d59b149b)
Saman úti í mýri
Mýrin, alþjóðleg barna- og unglingabókmenntahátíð í Reykjavík verður haldin 14.-16. október 2021 í Norræna húsinu.
Áherslan á hátíðinni í ár verður á umhverfis- og loftslagsmál og að sameina fólk úr ólíkum menningarheimum. Spurt er meðal annars hvort bækur geti byggt brýr milli ólíkra menningarheima?
Þá verða Múmínálfarnir einnig á ferli og fjallað um varðveislu á arfleifð Tove Janson.
Fjöldi rithöfunda verða gestir hátíðarinnar frá Eistlandi, Finnlandi, Hollandi, Íslandi, Lettlandi, Litháen, Noregi og Suður-Afríku.
Sjá nánar um gesti hátíðarinnar.
Dagskráin skiptist í þrjá hluta: málstofur, vinnustofur fyrir skólahópa og sögustundir og smiðjur/vinnustofur fyrir fjölskyldur.
Fimmtudaginn 14. október | MÁLÞING sem er að mestu tileinkað loftslagsmálum og tengslum náttúru og manns í barnabókmenntum. Hvernig geta barnabækur stuðlað að sterkari samkennd og skilningi milli manna og lífríkis?
Föstudagurinn 15. október | VINNUSTOFUR FYRIR SKÓLAHÓPA. Fjölbreyttar vinnustofur, Múmínsnáðinn og Mía litla , fjallað um hvernig sögur verða til, frá hugmyndum eða teikningum og að bók og margt fleira spennandi.
Laugardagurinn 16. október | SÖGUSTUNDIR OG SMIÐJUR FYRIR FJÖLSKYLDUR. Það verða meðal annars sögustundir á litháísku, lettnesku, eistneisku, finnsku, sænsku, íslensku. Furður úr sólkerfinu og Múmínsnáðinn og Mía litla mæta í heimsókn syngjandi og dansandi.
Hátíðinni lýkur með málstofu um fólksflutninga, flóttafólk og innflyjendur þar sem rætt verður við höfunda barnabóka sem hafa tekist á við þessi brýnu málefni og velt vöngum hvort skáldskapur geti aukið skilning á hlustskipti annarra.
Frítt er inn á alla viðburði. Sjá nánari dagskrá á heimasíðu Mýrarinnar og einnig á Facebook-síðu hátíðarinnar.