Sumarlestur 2020 veggspjald
Sumarlestur 2020 veggspjald

Sumarlestur Borgarbókasafnsins

Ár hvert hvetur Borgarbókasafnið börn úti um alla borg til að lesa! Menningarhúsin okkar lifna við og bjóða upp á leik þar sem börn geta unnið verðlaun fyrir lesturinn.

Inn á nýja bókabraut

Komdu í lestrarferðalag á bókasafninu! Í hverri viku fær einn heppinn ferðalangur verðlaun, viðtal við sig í Fréttablaðinu og titilinn lestrarhestur vikunnar! Uppskeruhátíð verður laugardaginn 29. ágúst í Borgarbókasafninu Grófinni.

Í sumar förum við í óvissuferð um söguheima á hinum ýmsu ferðamátum. Börnin velja sér ólíka ferðamáta og taka þátt í ferðalanginu. Kynningarefnið í ár er teiknað af teiknaranum Elínu Elísabetu sem hefur gert myndir í fjölmargar barnabækur. Aftan á þar til gerða miða skrifa börnin nafn, símanúmer og aldur og svo setja þau miðann sinn í sumarlesturskassann sem finna má í öllum menningarhúsum Borgarbókasafnsins.

Í hverri viku er dreginn út ein heppinn lestrarhestur sem fær bók að gjöf frá Bókabeitunni, viðtal við sig í Fréttablaðinu og titilinn lestrarhestur vikunnar! Þann 29. ágúst verður svo uppskeruhátíð með glensi og gamani, en þá drögum við út enn fleiri þátttakendur sem fá vinning frá Bókabeitunni auk þess sem við drögum út aðalvinninginn í boði Bókmenntaborgarinnar. 

Lestrarlandakort frá menntamálaráðuneytinu liggur frammi á söfnum okkar, en á  kortinu má finna leslista fyrir grunnskólabörn sem unnir voru í samstarfi við Borgarbókasafnið og Félag fagfólks á skólabókasöfnum.

Nánari upplýsingar veitir:
Ingibjörg Ösp Óttarsdóttir, verkefnastjóri barna- og unglingastarfs
ingibjorg.osp.ottarsdottir@reykjavik.is

Materials