Snákabangsi í Kringlu
Snákabangsi í Kringlu
Kringlan
Kringlan
Barnadeild Kringlan
Barnadeild Kringlan

Barnadeildin í Kringlunni

Barnadeildin í Borgarbókasafninu í Kringlunni býður börn á öllum aldri velkomin. Ásamt því að búa yfir miklu úrvali af bókum, hljóðbókum, bíómyndum og tónlist fyrir börn hefur barnadeildin ýmislegt fleira spennandi að bjóða yngstu gestunum; þroskaleikföng, tuskudýr, liti og litabækur ásamt spilum, sem bæði má fá lánuð með sér heim og spila á safninu. 
 

Aðstaða til að lesa og leika sér er góð og á snyrtingunni er einnig góð aðstaða til að skipta á yngstu börnunum. 
 

Safnið býður bæði upp á sögustundir og safnkynningar fyrir hópa. Vikulega er boðið upp á fjölskyldustundir fyrir foreldra barna sem ekki eru komin á leikskólaaldur og reglulega er boðið upp á fræðslu fyrir nýbakaða sem og verðandi foreldra.

Á völdum laugardögum í hverjum mánuði er svo boðið upp á ókeypis viðburði af ýmsum toga fyrir börn. Finnst þér gaman að spreyta þig á spurningaleikjum? Þrautir, ratleikir og getraunir eru reglulega í gangi í barnadeildinni og þar er hægt að vinna til flottra verðlauna!
 

Ekki má gleyma foreldrunum! Á meðan börnin leika sér geta foreldrar kynnt sér úrval safnsins af spennandi bókum, blöðum, tónlist og bíómyndum - og hér er alltaf heitt á könnunni. 

 

Eftir Borgarbókasafn (óstaðfest)
Þri, 11-09-2018 15:50
Flokkur