Útópíur og Anarkí | Bókalisti

Sökktu þér í bækur sem fjalla um hugsjónir og umbreytingarmátt róttækrar hugsunar. Frá frumlegum skáldskap til heimspekilegra texta, hér er listi sem veitir þér innblástur til að endurhugsa samfélagið, ögra kúgunarkerfum og setja markið á heim sem byggir á réttlæti, frelsi og sameiginlegri sátt.
 
Leyfðu þessum bókum að veita þér innblástur og undirbúning fyrir Framtíðarfestivalið!

Framtíðarfestivalið er haldið í Grófinni 25. janúar 2025. Hér gefst tækifæri til að losa okkur úr fjötrum hversdagsleikans og þróa fjölbreyttar framtíðir. Á nýju ári virkjum við ímyndunaraflið, dýfum við okkur í framtíðarpælingar og mátum okkur inn í framtíðarsýnir heimspekinga, listafólks, aktívista og hugsjónafólks á öllum aldri. Framtíðin er á bókasafninu í janúarmánuði. Þátttakendum býðst að taka þátt í djúpum samræðum, leikandi atriðum og smiðjum þar sem unnið er með höndunum í að byggja nýjar framtíðarsýnir.