Khaled Khalifa

Bókmenntahátíð í Reykjavík | Khaled Khalifa

Dauðinn er barningur eftir Khaled Khalifa kom út í íslenskri þýðingu Elísu Bjargar Þorsteinsdóttur árið 2019. Sagan segir frá þremur systkinum sem þurfa að flytja lík föður síns til greftrunar í heimabæ hans Anabia í Aleppohéraði en líkflutningurinn verður annsi flókinn vegna stríðsástands í Sýrlandi. Sagan er sögð bæði hjartnæm, hryllileg og kolsvört gamansaga um hnignun samfélags í löngu stríði og hefur verkið verið tilnefnt til fjölda verðlauna.

Gunnar Hersveinn skrifar um skáldsöguna Dauðinn er barningur,  sem áhrifamikla lestrarupplifun sem veiti harða innsýn í stríð og sálarlíf manneskjunnar. Fjallað er um einmanaleikann og tengslaleysi sem raunverulega sálarkvöl. 

Khaled Khalifa er sýrlenskur rit- og handritshöfundur og ljóðskáld, fæddur í Aleppó 1964 en hefur búið í Damaskus síðustu 20 ár. Hann nam lögfræði og er einn þekktasti samtímahöfundur Sýrlands. Khalifa er gestur Bókmenntahátíðar í Reykjavík dagana 8. – 11. september.

Sjá bækur eftir Khaled Khalifa á Borgarbókasafninu.

Þriðjudagur 31. ágúst 2021
Flokkur
Materials