BORGARBÓKASAFNIÐ
Ljóðaskrif, sviðsframkoma, flutningur og lokaútkoma.
Sviðslistafólkið Jón Magnús Arnarsson, Steingrímur Teague, Steinunn Arinbjarnardóttir og Steinunn Jónsdóttir fara í saumana á þessu skemmtilega listformi og gefa ljóðaslömmurum framtíðar góð ráð.
Hér fyrir neðan eru tenglar á myndbönd sem eru tilvalin fyrir þau sem hafa áhuga á að taka þátt í Ljóðaslammi Borgarbókasafnsins.
Jón Magnús Arnarsson, leikari og ljóðaslammari, einn af forsprökkum ljóðaslamms-senunar á Íslandi. Hann bar sigur úr býtum í Ljóðaslammi Borgarbókasafnsins árið 2017 og hefur í kjölfarið ferðast um allan heim og flutt ljóð í keppnum, bókmenntaviðburðum og ýmsum Poetry Slam uppákomum, enda er ljóðaslamm-senan víða erlendis bæði stór og fjölbreytt.
Steingrímur Teague, tónskáld, textahöfundur og söngvari, og Jón Magnús Arinbjarnarson, ljóðaslammari og leikari, gefa góð ráð um hvernig ljóð henta í flutningi ljóðaslamms.
Steinunn Arinbjarnardóttir, leikkona, og Jón Magnús Arinbjarnarson leikari og ljóðaslammari, fara yfir það helsta sem hafa þarf í huga varðandi sviðsframkomu í ljóðaslammi.
Tónlistarkonan Steinunn Jónsdóttir og leikarinn og ljóðaslammarinn, Jón Magnús Arnarsson, fara yfir helstu atriði sem gott er að tileinka sér við flutning ljóðaslamms.
Tónlistarkonan Steinunn Jónsdóttir og ljóðaslammarinn og leikarinn, Jón Magnús Arnarsson, tala hér um mikilvæg atriði þegar kemur að því að láta flutning í ljóðaslammi smella saman. Hver er lokaútkoman, hvernig fínpússar þú atriðið þitt og finnur þig í flutningnum?
Hér eru allar nánari upplýsingar um Ljóðaslamm Borgarbókasafnsins sem haldið er á Safnanótt í byrjun febrúar ár hvert.
Nánari upplýsingar veitir:
Guðrún Elísa Ragnarsdóttir, verkefnastjóri
gudrun.elisa.ragnarsdottir@reykjavik.is | 411-6100