Tónlist í Grófinni | Sköpun og sögustund

Börnum í 2. og 3. bekk er boðið í Borgarbókasafnið Grófinni í tónlistarupplifun þar sem þau kynnast heimi tónlistar bæði í gegnum bókmenntir og sköpun. Í barnadeildinni fá þátttakendur að búa til hjóðheim við valda bók með því að samtvinna hljóð og sögu og upplifa þannig nýjar hliðar bókarinnar. Á Verkstæðinu gefst börnunum svo tækifæri til þess að skapa sína eigin tónlist í tónlistarforritinu Figure. 

Markmið heimsóknarinnar er að kynna Borgarbókasafnið sem stað sköpunar, upplifunar og þekkingar og sýna börnunum hvernig hægt er að nota og njóta bókasafnsins á ólíka vegu.

Nánari upplýsingar veitir:
Bára Bjarnadóttir, sérfræðingur
bara.bjarnadottir@reykjavik.is