![Listsmiðja með Lindu Ólafsdóttur](https://borgarbokasafn.is/sites/default/files/styles/ding_secondary_large/public/title_image/event/linda_mynd_0.jpg?itok=x9-1BN1d)
Information about the event
Fullbókað! Sumarsmiðja | Saga sem lifnar við
Hvernig skapar þú ógleymanlegar söguhetjur og undraheima?
Linda Ólafsdóttir myndhöfundur og barnabókahöfundur leiðbeinir börnum og ungmennum um hvernig þau færa líf í sögurnar sínar. Þátttakendur læra að teikna sögupersónur og skapa umhverfi þeirra og raða saman í bók sem þau útbúa annað hvort eftir sinni eigin sögu eða klassískum ævintýrum.
Linda Ólafsdóttir hefur myndlýst fjölda bóka fyrir börn og fjölskyldur. Hún er með BFA gráðu í myndlist, MFA gráðu í myndlýsingum (e. illustration), kennsluréttindi og kennir við Myndlistaskólann í Reykjavík ásamt því að teikna og skrifa frá vinnustofu sinni í Laugardalnum. Linda er höfundur bókarinnar Leika? og er meðal annarra bóka myndhöfundur að Reykjavík barnanna, Íslandsbók barnanna, Draumaþjófsins og Blíðfinns.
Opið fyrir skráningu frá 29. apríl á sumar.vala.is.
Nánari upplýsingar veitir:
Rut Ragnarsdóttir, sérfræðingur
rut.ragnarsdottir@reykjavik.is | 411-6200