Lucas Corso er bókaveiðari, sem þefar uppi sjaldgæfar bækur og verðmæt handrit fyrir sérvitra safnara. Hann er kvaddur til þegar upphaflegt handrit að kafla í Skyttunum þremur eftir Alexander Dumas finnst í fórum velmetins bókasafnara sem hefur hengt sig. Fljótlega tekur málið að vinda upp á sig og fyrr en varir hefst eltingaleikur við ýmsar gerðir bókar frá miðöldum sem ýmislegt bendir til að sjálfur Kölski hafi haft hönd í bagga með. Dumasarfélagið er sakamálasaga sem ofin er af óvenju mikilli list. Eftir bókinni gerði Roman Polanski kvikmyndina The Ninth Gate, með Johnny Depp í aðalhlutverki. (Heimild: Bókatíðindi)